Kadriu takohet me banorët e Velekincës

Gjilan – Kandidati i AAK-së për kryetar të Gjilanit Rexhep Kadriu ka vazhduar tubimet me nëndegë, duke u pritur të mërkurën nga qytetarë të Velekincës.

Kadriu i shoqëruar nga bartësi i listës së AAK-së Selami Xhemaili, kandidatët për këshilltarë komunal dhe anëtarë të strukturës, kanë mbajtur tubimin e radhës në ambientet e shkollës fillore “Mulla Idris Gjilani” në Velekincë, ku para të pranishmëve ka shpalosur programin e Aleancës dhe prioritetet për Velekincën.

“Kjo nuk është hera e parë që ne vizitojmë Velekincën. Në takimet tona të mëhershme ne jemi konsultuar me qytetarët në lidhje me prioritetet që ata kanë. Nëndegët e Velekincës me angazhim kanë arritur të zgjerojnë rrjetin e shtrirjes, duke marrë kështu mendimin e një numri të konsiderueshëm të banorëve në lidhje me prioritetet siç janë: rregullimi i një fushe sportive, rregullimi i gypave të kanalizimit si dhe asfaltimi i rrugëve. Të gjitha këto do të realizohen mbas 3 nëntorit, sepse ndryshimi vije me punë dhe puna është dëshmuar nga Aleanca”, është shprehur kryetari Kadriu.

Ndërkaq, para të pranishmëve ka folur edhe bartësi i listës së AAK-së Selami Xhemaili, i cili ka thënë Aleanca është ndër partitë e pakta që më balancim ka arritur të përfaqësohet si në aspektin regjional poashtu edhe në atë gjinor.

“Ju falënderojë për përkrahjen ndërsa ju them se plani qeverisës dhe prioritetet e Aleancës do të përmbushen, prandaj ka bërë thirrje për dhënien e besimit nga qytetarët për Kadriun, duke dalë në zgjedhje dhe duke votuar numrin 62”, ka thënë Xhemaili.

Në këtë takim në të cilin kanë marrë pjesë një numër i konsiderueshëm i të pranishmëve, kanë qenë prezent edhe kryetarët e nëndegëve në Velekincë Shyqeri Avdyli dhe Qëndrim Kqiku./rajonipress/