Kadriu rregullon 200 metra kanalizim në lagjen “Arbëria”

Gjilan – I shoqëruar nga anëtarë të degës, ka qëndruar në lagjen “Arbëria” e ashtuquajtura pjesa te vishnjet, ku me baza krejtësisht vullnetare, ka rregulluar kanalizimin e kësaj lagje të gjatë rreth 200 metra.

Banorët e kësaj lagje, të cilët kanë kërkuar vazhdimisht nga organet komunale që të ndërmerret diçka në këtë drejtim, asnjëherë nuk kanë marrë një përgjigje pozitive. Ndërsa, kanë qenë banorët ata që kanë kërkuar ndihmë nga Kadriu, ndihmë kjo të cilën e kanë gjetur qysh me përshkrimin e parë të gjendjes me të cilën janë ballafaquar ata.

Kadriu, i cili gjatë gjithë kohës sa janë bërë punimet për rregullimin e kanalizimit të lagjes “Arbëria”, ka qëndruar me banorët dhe i ka premtuar si atyre si banorëve të lagjeve të tjera, se do të jetë gjithmonë në shërbim të qytetarit dhe i gatshëm për t`i ofruar ndihmë për një jetë më të mirë për secilin.“Kjo është detyra ime dhe e secilit nga ne, që ta ndihmojnë njëri-tjetrin dhe të kontribuojmë për kushte më të mira bashkë, prandaj edhe kërkesa juaj si e secilit qytetarë tjetër, për mua është primare, sepse unë dhe Aleanca jemi në shërbim të qytetarit”, ka thënë Kadriu.

Ndërkaq, qytetarët të cilët kanë qëndruar me kryetarin Kadriu dhe anëtarë të AAK-së në Gjilan, janë treguar mirënjohës dhe e kanë falënderuar atë publikisht për zgjidhjen e një problemi kaq të madh për ta, tash e sa kohë.“Një zgjidhje të tillë afatgjate, e cila ndoshta do të duhej të ndodhte shumë kohë më parë, ka ndodhur sot falë ndihmës vullnetare të kryetarit të AAK-së në Gjilan Rexhep Kadriu dhe padyshim që secili nga ne do t’ia kthejmë këtë kontribut shpejtë”, kanë thënë banorët.

Ky aktivitet, është njëri nga aktivitetet e shumta të kryera nga kryetari Kadriu në baza krejtësisht vullnetare, por për dallim prej aktiviteteve tjera, ky i fundit konsiderohet si njëri nga investimet më të mëdha./rajonipress/