Kadriu: Raporti një vjeçar i Alban Hysenit është për faqe të zezë

Gjilan – Kryetari prezantoi raportin e tij të punës, kurse menjëherë ia nisi me raportet e drejtorive. Në ato raporte thuhen plot të pavërteta, madje aty paraqiten edhe disa punë që janë bërë më herët ka shkruar asamblisti Kushtrim Kadriu.

Postimi i plotë:

U lavdërua se u kishte vendosur GPS veturave të komunës por harroi se ai me veturën zyrtare shëtitë të dielën në Maqedoni. Tha se komuna ka trajtuar 250 qenë endacak, ndërsa ne çdo ditë shohim se numri i tyre vetëm sa shtohet, duke u rrezikuar seriozisht siguria e qytetarëve.

Bile, edhe në derë të kryetarit i ke non- stop nja 5- 6 qenë. Me tej, kryetari tha se bletarët e Gjilanit janë trajnuar dhe aftësuar nga komuna, gjë që nuk është e vërtetë.

Fjala është për një ligjëratë njëditore të mbajtur nga një profesor i Fakultetit të Bujqësisë (nga Universiteti i Prishtinës), në të cilën kanë marrë pjesë bletarë nga komuna e Gjilanit, të cilët (shumica absolute) janë me përvojë dhe janë moti në këtë aktiv në këtë lëmi.

Vlen të ceket edhe se paraqitja e Alban Hysenit është një kopje e lodhtë e Albin Kurtit./rajonipress/