Kadriu: Nuhi Matoshi do të mbahet mend për breza të tërë për kontributin e tij

Gjilan – Ndihem i pikëlluar me lajmin për ndarjen nga jeta të regjisorit të mirënjohur shqiptar, Nuhi Matoshi. Nuhiu, njeri i artit e kulturës shqiptare, do të mbahet mend për breza të tërë për kontributin e tij dhënë artit dhe kulturës në përgjithësi, në rrethana të vështira për kombin, dhe në kohë paqeje thuhet në telegramin e Rexhep Kadriut dërguar familjes Matoshi.

Nuhiu ishte njeri i dijes, i ideve, motivues e i buzëqeshur në çdo kohë, edhe kur kritikonte, asnjëherë nuk vërehej i mllefosur. Të tillë njerëz e kanë mbajt gjallë kombin dhe kulturën shqiptare. Ngushëllime familjes Matoshi, kolegëve artistë dhe gjithë qytetarëve të Gjilanit ka shkruar Rexhep Kadriu./rajonipress/