Kadriu ndihmon nevojtarët edhe në fshatin Uglar

Gjilan – Pavarësisht angazhimeve Rexhep Kadriu qysh në orët e para të mëngjesit ka qëndruar në fshatin Uglar, për t`i ndihmuar një qytetari në betonimin e pllakës së fundit të shtëpisë.

Kadriu, i shoqëruar nga kryetari i ARK-së Labinot Hyseni dhe kryetari i nëndegës në Uglar Hevzi Shabani, kanë ndihmuar Jetullah Jetullahin, i cili në mungesë të mjeteve financiare, kishte mbetur pa e betonuar pllakën e fundit të shtëpisë së tij.

Aksioni për të ndihmuar këtë qytetarë, ka qenë fillimisht iniciativë e imamit të fshatit Uglar Burhan Zejnullahu, i cili ka kërkuar ndihmë nga kryetari Kadriu në përfundimin e kësaj iniciative.

Ndërkaq kryetari Kadriu, pa hezitim ka pranuar të ndihmojë këtë qytetarë, pavarësisht angazhimeve të shumta që ai ka pasur gjatë ditës së mërkure.

“Unë jam gjithmonë i gatshëm ti dalë në ndihmë qytetarëve tanë, edhe atëherë kur kam angazhime të shumta, sepse ndihma për një qytetarë për mua do të thotë më shumë se çfarëdo punë tjetër”, ka thënë Kadriu. /rajonipress/