Kadriu: Me mua bizneset do ta kenë më lehtë

Gjilan – Kryetari i AAK-së në Gjilan njëherit kandidat për kryetar të komunës Rexhep Kadriu, të martën ka vizituar bizneset në Gjilan, duke qëndruar kështu në “Vali Ranch”, i cili gjendet në Përlepnicë si dhe në restorant “Planeti”, i cili gjendet në Kmetoc.

Qëllimi i kësaj vizite ishte njohja nga afër me gjendjen e bizneseve dhe kushteve që atyre u ofrohen si dhe mbështetja që marrin nga komuna.

Kryetari Kadriu ka ofruar mbështetje dhe përkrahje maksimale nga ana e tij për zhvillimin e bizneseve në Gjilan, duke thënë se në të ardhmen do të punojë që atyre t’ia ofrojë të gjitha kushtet e nevojshme për funksionim të rregullt dhe sa më të lehtë.

Kryetari Kadriu është takuar me menaxherin kryesor të Vali Ranch Ismet Rashiti si dhe me menaxherin e rezidencës Planet Muhamet Shabani.

Ndërsa është shoqëruar nga pjesa përbërëse e kryesisë së Degës së AAK-së në Gjilan thuhet në njoftimin e degës së AAK-së në Gjilan./rajonipress/