Kadriu: Më 28 dhjetor, Gjilani dhe Anamorava zgjedhin shpresën

Gjilan – Qytetarët e Gjilanit dhe të gjithë Anamoravës po tregojnë qartazi vendosmërinë për t’i dhënë fund një pushteti të paangazhuar, të larguar nga nevojat reale të qytetarëve dhe zhvillimi i rajonit. Këtë mesazh e ka përcjellë Rexhep Kadriu, duke theksuar se ndryshimi tashmë ka nisur nga vetë qytetarët.

Fushata elektorale ka vazhduar me intensitet të lartë në qytet, përmes takimeve me nëndegët Iliria, Xhamia e Vogël, Zabel, Arbëri, Velekincë dhe Vishnjët, ku mbështetja dhe energjia qytetare po rriten çdo ditë.

Sipas Kadriut, këto tubime janë dëshmi e qartë se Gjilani nuk pranon më stagnimin, neglizhencën dhe mungesën e vizionit. Qytetarët kërkojnë përfaqësim dinjitoz, zhvillim real dhe politika që i shërbejnë jetës së përditshme të familjeve të tyre.

“Më 28 dhjetor, qytetarët do të zgjedhin shpresën, ndryshimin dhe një të ardhme më të drejtë për Gjilanin dhe Anamoravën,” ka përfunduar Kadriu.

#LDK123

#RexhepKadriu52