Gjilan – Pra, ky koalicion është për Gjilanin, për të mirën e qytetarëve dhe vazhdimësi e bashkëpunimit të sinqertë dhe serioz me LDK-në dhe kreun e komunës, Lutfi Haziri ka thënë Rexhep Kadriu.
Të premtën kryesia e AAK-së dega në Gjilan, unanimisht i dha përkrahje koalicionit me LDK-në dhe AKR-në, për mandatin e ardhshëm qeverisës në Gjilan.
Në takimin e sotëm të kryesisë, u vendos edhe për emrat e dy drejtorëve, Nazim Gagica drejtor i drejtorisë së Arsimit, dhe Selami Xhemajli drejtor i drejtorisë së Shëndetësisë dhe Mirëqenies Sociale, që do ta përfaqësojnë AAK-në në qeverisjen komunale ka thënë Rexhep Kadriu.
Kadriu ka thënë se AAK mbetet e përkushtuar në përmbushjen e objektivave të saj programore, të prezantuara gjatë fushatës zgjedhore. Pra, ky koalicion është për Gjilanin, për të mirën e qytetarëve dhe vazhdimësi e bashkëpunimit të sinqertë dhe serioz me LDK-në dhe kreun e komunës, Lutfi Haziri ka shtuar Kadriu./rajonipress/
