Kadriu: Infrastruktura rrugore është baza kryesore për investime milionëshe

Kamenicë – Investitorët, i informova nga afër për investimet në infrastrukturën rrugore nga ministria e Infrastrukturës dhe Transportit, dhe përkushtimin tonë, të kryeministrit Haradinaj dhe ministrit Lekaj, për t`i mundësuar investitorëve tanë lehtësira në qarkullim. Infrastruktura rrugore është baza kryesore për investime milionëshe si këto që sot pamë ka shkruar Rexhep Kadriu.

Sot, bashkë me kryeministrin e Republikës së Kosovës, Ramush Haradinaj, shefin e Grupit Parlamentar të AAK-së, Ahmet Isufi, nënkryetarin e Komunës së Kamenicës, Faton Jakupi, dhe zëvendësministren, Magbule Shkodra, vizituam disa kompani prodhuese që veprojnë në Komunën e Kamenicës, investime këto nga bashkatdhetarët tanë.

Fabrika e Ujit “Zajqeci”, në Zajqec, dhe investimi milionësh për kultivimin e arrës në Kopërrnicë të Kamenicës, janë dëshmi se si arrihet suksesi dhe cilësia në prodhime vendore. Kryeministri Haradinaj, si gjithherë, u zotua se si qeveri do të jetë në krah të prodhuesve vendor në mënyrë që bashkërisht t’i japim dimension tjetër zhvillimit ekonomik të vendit sepse është forma e vetme e krijimit të vendeve të reja të punës.
Investitorët, i informova nga afër për investimet në infrastrukturën rrugore nga ministria e Infrastrukturës dhe Transportit, dhe përkushtimin tonë, të kryeministrit Haradinaj dhe ministrit Lekaj, për t`i mundësuar investitorëve tanë lehtësira në qarkullim. Infrastruktura rrugore është baza kryesore për investime milionëshe si këto që sot pamë ka shkruar Kadriu./rajonipress/