Kadriu i AAK-së vendos kurora lulesh tek varrezat e dëshmorëve

Gjilan – Kryetari i Aleancës për Ardhmërinë e Kosovës – Dega në Gjilan Rexhep Kadriu, ka vendosur kurora lulesh në varrezat e dëshmorëve dhe ka uruar të gjithë qytetarët, me rastin e festës së 28 Nëntorit – Ditës së Flamurit.

“Populli shqiptarë asnjëherë nuk ka pushuar së luftuari për të qenë i pavarur dhe i lirë. Kjo përpjekje një shekullore, i ka arritur sukseset dhe qëllimet e saj sot, kur ne si qytetarë, të lirë vendosim flamurin kombëtar dhe festojmë këtë festë të madhe për të gjithë shqiptarët kudo”, tha Kadriu.

Sot festojmë edhe ditëlindjen e komandantit legjendar të UÇK-së Adem Jashari si dhe daljen e parë publike të UÇK-së, prandaj kemi më shumë se një arsye për tu ndier krenar si popull dhe për atë që është bërë për lirinë që gëzojmë sot.

Kadriu ka uruar popullin e Shqipërisë për ditën e pavarësisë, duke i dëshiruar që në vazhdim, të mund ti arrijnë të gjitha synimet dhe ambiciet që kanë si shtet në të ardhmen.

Edhe Xhevat Demiri veteran i luftës tha se ndihet mirë ur bënë homazhe tek varrezat e dëshmorëve.”Kjo është një ditë e shënuar për ne dhe për të gjithë shqiptarët. Brezat e rinj nuk duhet ta harrojnë këtë ditë sublime për të cilën u flijuan shumë gjenerata” tha Demiri./rajonipress/