Kadriu i AAK-së meremeton rrugët e premtuara nga komuna

Gjilan – Rexhep Kadriu i AAK- së bashku me aktivistët e saj ka marrë pjesë në një aksion për të meremetuar rrugën në Kravaricë, e cila rrugë në raportin e investimeve kapitale 2008-2011 të Kryetarit të Komunës së Gjilanit del si projekt i realizuar dhe i kryer( e asfaltuar) me një vlerë prej 222621.01 euro, por së gjendja faktike nuk doli të jetë kështu pasi qytetarët e këtij fshati pothuajse e kishin të pamundur të kalonin nëpër atë rrugë për shkak të baltës.

Por në mbështetje të këtyre qytetareve doli Aleanca për ardhmërinë e Kosovës- dega në Gjilan me Kryetarin e saj Rexhep Kadriu i cili edhe sot mori një aksion vullnetarë me strukturën e kësaj partie dhe me qytetarët e shumtë të fshatit Kravaricë për të meremetuar këtë rrugë e cila gati ishte bërë e pakalueshme dhe ishte një prej problemeve kryesore nga shumë probleme që ballafaqohen qytetarët e këtij fshati, gjë që po e bënë të pamundur jetesën në atë pjesë.

Ky dimension filantropik i AAK-së dhe ky gjest human e me një përgjegjësi morale dhe etike i një lideri si Rexhep Kadriu sikur po i kthen shpresën qytetarëve të shumtë të cilët nuk u prekën kurrë nga dora e pushtetit.

AAK dhe Rexhep Kadriu planifikojnë edhe projekte të tjera vullnetare në Komunën e Gjilanit për të dëshmuar gatishmërinë e këtij subjekti për të qenë në shërbim të qytetarëve dhe për të bërë me dije se qëllimi final i AAK-së është qytetari i Gjilanit e jo interesat personale familjare dhe grupor thuhet në njoftimin e AAK-së të nënshkruar nga Nazim Gagica./rajonipress/