Kadriu: Edhe Luftëtarët e UÇPMB-së duhej të përfshiheshin në Ligjin për veteran

Gjilan – Lufta e UÇPMB-së, u bë për çlirimin e trojeve etnike shqiptare si : Bujanoci, Medvegja e Presheva të cilat mbetën padrejtësisht nën thundrën e Serbisë dhe mbetën të pushtuara. Lufta e UÇPMB-së ishte një vazhdimësi e misionit të çlirimit kombëtare që u konkretizua me luftën çlirimtare të UÇK-së thotë Kushtrim Kadriu zëdhënës i “Vatrës”.

Kadriu thotë se pas çlirimit të Kosovës një pjesë e madhe e ushtarëve dhe pjesëtarëve të luftës së UÇK-së vazhduan misionin e tyre për çlirimin e atdheut, pra në Kosovën lindore për çlirimin e këtyre 3 (tri) komunave shqiptare, raporton rajonipress.

“Disa nga të rënët si dëshmorë janë të lindur dhe rritur në Kosovë, por tani nuk u njihet e drejta të jenë dëshmorë të Kombit me të vetmin “faj” se kanë rënë në luftën e UÇPMB-së”.

Kadriu shton se duke pasur parasysh të gjitha këto, do të duhej që institucionet përgjegjëse të Kosovës, e sidomos nga Komisioni për përpunimin e ligjit të veteranëve të luftës, të marrin parasysh kërkesat e të përfshihen në ligj edhe këto kategori që ishin pjesë e UÇPMB- së siç janë: ish pjesëtarët e luftës së UÇPMB-së, të ju njihet statusi i Veteranit./rajonipress/