Kadriu: Do ta mbështes çdo angazhim dhe sukses të rinjve të ARK

Gjilan – Rexhep Kadriu ka thënë se qëndron prapa secilit angazhim dhe sukses të ARK-së në Gjilan dhe se do të jetë gjithmonë i gatshëm të qojë përpara suksesin e të rinjve, duke e shpërblyer atë me rezultate të merituara në zgjedhjet lokale që pritet të mbahen në nëntor.

Kryetari i Aleancës për Ardhmërinë e Kosovës – Dega në Gjilan Rexhep Kadriu, ka pritur në iftar, të rinjtë e Aleancës në Gjilan.

Kadriu bashkë me nënkryetarin e AAK-së në Gjilan Selami Xhemajli, kanë pritur kryetarin e ARK-së në Gjilan Labinot Hyseni, anëtarë të kryesisë dhe kryetarë të nëndegëve të ARK-së, me të cilët kanë pritur bashkë darkën e iftarit.

Kadriu të rinjve i ka dëshiruar agjërim të lehtë, ndërsa ka shprehur mbështetjen e tij në gjithçka që ata kanë nevojë. Ai ka thënë se qëndron prapa secilit angazhim dhe sukses të ARK-së në Gjilan dhe se do të jetë gjithmonë i gatshëm të qojë përpara suksesin e të rinjve, duke e shpërblyer atë me rezultate të merituara në zgjedhjet lokale që pritet të mbahen në nëntor.

Ndërsa, kryetari i ARK-së në Gjilan Labinot Hyseni, në emër të të gjithë ARK-së, ka falënderuar kryetarin Kadriu për iftarin e shtruar dhe për mbështetjen e madhe që ai po i jep të rinjve, duke shtuar se “ashtu siç jemi të bashkuar sot, do të jemi të bashkuar edhe në punën tonë drejt fitores”. /rajonipress/