Kadriu: Bujanoci duhet të frymojë shqip

Gjilan – Partia për Veprim Demokratik, Partia Demokratike dhe Lëvizja e Progresit Demokratik duhet që së bashku të qeverisin në Bujanoc dhe komuna e Bujanocit të frymojë shqip, ashtu siç ishte vullneti i votuesve shqiptarë. “Duke u bazuar në verdiktin popullor, kryetar duhet të jetë Shaip Kamberi, pasi që partia e tij është parti fituese, nënkryetar duhet të jetë Nagip Arifi, kurse kryetar Kuvendi duhet të jetë Jonuz Musliu. Votuesit dhe banorët presin dhe duan që kjo gjë të ndodhë sa më shpejtë” thotë Kushtrim Kadriu.

Kadriu thotë se tani që po i afrohemi majit, muajit vendimtar për krijimin e qeverisjes lokale në Komunën e Bujanocit, takimet në mes të partive shqiptare japin një shpresë se do të mund të ketë një koalicion të bashkuar të partive shqiptare, raporton rajonipress.

“Konsideroj, se partitë shqiptare duhet të jenë së bashku dhe të ndajnë pushtetin në mes vete sipas votës popullore dhe të qeverisin së bashku duke lënë në opozitë partitë serbe, me qellim që të krijohet një shumicë shqiptare e bashkuar”.

Sipas tij Partia për Veprim Demokratik, Partia Demokratike dhe Lëvizja e Progresit Demokratik duhet që së bashku të qeverisin në Bujanoc dhe komuna e Bujanocit të frymojë shqip, ashtu siç ishte vullneti i votuesve shqiptarë. “Duke u bazuar në verdiktin popullor, kryetar duhet të jetë Shaip Kamberi, pasi që partia e tij është parti fituese, nënkryetar duhet të jetë Nagip Arifi, kurse kryetar Kuvendi duhet të jetë Jonuz Musliu. Votuesit dhe banorët presin dhe duan që kjo gjë të ndodhë sa më shpejtë” tha Kadriu./rajonipress/