Kadriu: AAK simbol i luftës që Gjilani të frymojë lirshëm

Gjilan – AAK në Gjilan, gjithmonë ka qenë simbol i atyre që dhanë jetën dhe u flijuan, që pas kaq vitesh ne të gëzojmë lirinë që sot e kemi. Dhe edhe sot, po punohet që kjo liri të jetë edhe më e madhe dhe qytetarët e Gjilanit të frymojnë lirshëm dhe t`i rrisin vlerat e tyre si qytetarë ka thënë Rexhep Kadriu kryetar i AAK-së në urimin tij drejtuar qytetareve të Gjilanit për ditën e çlirimit.

Kryetari i AAK-së në Gjilan, Rexhep Kadriu, në emër të të gjithë anëtarëve të kësaj dege, i uron të gjithë qytetarëve, Ditën e Çlirimit të Gjilanit.

“AAK në Gjilan, gjithmonë ka qenë simbol i atyre që dhanë jetën dhe u flijuan, që pas kaq vitesh ne të gëzojmë lirinë që sot e kemi. Dhe edhe sot, po punohet që kjo liri të jetë edhe më e madhe dhe qytetarët e Gjilanit të frymojnë lirshëm dhe t`i rrisin vlerat e tyre si qytetarë” ka thënë Rexhep Kadriu në urimin e tij.

Kjo është dëshmuar me anë të angazhimit të madh që kjo parti ka treguar për qytetarin e Gjilanit dhe edhe më gjerë dhe me kontributin që njëri nga figurat më të shquara të lirisë në AAK, komandanti i ish UÇK-së Ahmet Isufi, ka dhënë si për Gjilanin, poashtu edhe për të gjithë shqiptarët kudo që janë. Kontribut ky, të cilin AAK do ta japë gjithmonë, që qytetari i Gjilanit të gëzojë ditë edhe më të mira thuhet në urimin e Kadriut./rajonipress/