Kadriu: AAK po rritet çdo ditë, falë performancës së mirë në qeverisjen komunale

Gjilan – Rexhep Kadriu kryetar i AAK-së dega në Gjilan dhe nënkryetar i Komunës tha për rajonipress se procesi zgjedhor i AAK-së po ecë mbarë dhe se deri tani zgjedhjet janë mbajtur në 17 nëndegë. Kadriu thotë se performanca e mirë e AAK-së në qeverisjen komunale ka shtuar interesimin e qytetarëve për të qenë pjesë e AAK-së.

Rexhep Kadriu po i sheh si shumë pozitive dhe afirmative zgjedhjet e brendshme në AAK e Gjilanit.

Ai madje thotë se në këto zgjedhje të brendshme AAK në Gjilan do të dali edhe më e fort dhe më e qëndrueshme.”Procesi zgjedhor në AAK po ecë mbarë dhe deri më tash zgjedhjet janë mbajtur në 17 nëndegë. Interesimi i qytetarëve është rritur në krahasim me zgjedhjet e brendshme të vitit 2013 dhe krejt kjo si rezultat i përformancës së mirë që ka treguar me kuadrot e saja në qeverisjen komunale”.

Kadriu tha se zgjedhjet në degën e AAK-së pritet të përfundojnë deri më 10 qershor dhe në pjesën e dytë të qershorit mbahet edhe Kuvendi i Degës./rajonipress/