Kadriu: AAK nuk ka vija të kuqe për asnjë parti politike

Gjilan – Rexhep Kadriu kryetar i AAK-së në Gjilan për rajonipress thotë se ai pretendon të jetë fitues i zgjedhjeve lokale në Gjilan dhe matematika e koalicioneve për te është e hapur për të gjitha partitë politike. Për mua nuk ka vija të kuqe për asnjë parti politike në Gjilan. Me të gjithë jam i gatshëm për bashkëpunim dhe ofertë për koalicione.

Rexhep Kadriu ka një tregues të fortë se ai në zgjedhjet e nëntorit mund të dali fitues. Thotë se e ka rritur AAK-në në Gjilan për 100% dhe ky fakt e ka trimëruar që të vazhdojë garën edhe më tutje për të dalur fitues.

Kadriu për rajonipress thotë se synimi i tij është që të fitojë zgjedhjet e nëntorit dhe të kujdeset maksimalisht për qytetarët e Gjilanit dhe mirëqenien e tyre. Kadriu thotë se ka një bashkëpunim të mirë me të gjitha subjektet politike në Gjilan dhe realisht pas rezultatit të 3 nëntorit ai është i gatshëm të bashkëpunojë dhe qeverisë në koalicion me të gjitha subjektet politike.”Për mua nuk ka vija të kuqe për asnjë subjekt politikë. Asnjë parti nuk do të jetë e favorizuar sepse me të gjithë qëndrojë mirë. E mira e kësaj pune është se unë nuk jam i varur nga niveli qendror rreth koalicioneve në nivelin lokal.Mua më intereson niveli lokal dhe Gjilani së bashku me qytetarët e saj” tha Kadriu.

Kadriu ndihet krenar që nga ardhja e tij ka arritur ta fuqizojë për 100% AAK në Gjilan.”Prej se e kam marrë AAK aktiviteti në teren dhe anëtarët i kam shtuar për 100%. Jemi në rritje maksimale sepse nga 27 nëndegë sa ka pasur AAK në vitin 2009 tani i kemi 60 nëndegë. Janë 25 nëndegë të Forumit të Gruas dhe 35 nëndegë të Forumit të Rinisë së AKR-së dhe këta parametra për mua janë një sinjal i mirë se kemi punuar drejt dhe me përkushtim” tha Kadriu.

Kadriu tha se sipas sondazheve të brendshme AAK del bindshëm si parti fituese. Thotë se rritja e AAK-së është mundësuar edhe nga aderimet e reja që janë bërë nga të gjitha partitë duke filluar nga LDK-ja, PDK-ja, AKR-ja dhe së fundit edhe nga VV./rajonipress/