Kadriu: AAK në Anamoravë ka shënuar rritje të përkrahjes qytetare

Gjilan – Ky popull meriton ta ndjej veten mirë në vendin e tij, andaj na takon neve t’ia mundësojmë një jetë dhe një shtet të matshëm me shtetet e rajonit. Kjo do të ndodh, puna e mirë po përjetohet, dhe mbetemi të pa lëkundur të vizionin tonë për një shtet të respektuar nga brenda dhe nga jashtë ka thënë Rexhep Kadriu.

Aleanca për Ardhmërinë e Kosovës (AAK), dega në Gjilan, mbajti një takim koordinues me një delegacion nga niveli qendror i kryesuar nga Nënkryetari i AAK-së, Muharrem Nitaj.

Në këtë takim u vlerësua se Anamorava në përgjithësi, dhe Gjilani në veçanti, për herë të parë janë në vëmendje të qeverisë së Kosovës. Kryeministri Haradinaj ka krijuar një standard të ri qeverisës, përmes të cilit Kosova po shihet si tërësi për ndarjen e buxhetit.

Taksapaguesit tanë për herë të parë po e përjetojnë dorën e shtetit. Investimet në këtë regjion të Kosovës, janë përkthim i parave të qytetarëve në investime për të mirën e përgjithshme. Pa asnjë dyshim, në bazë të asaj çka shohim në terren, AAK ka shënua rritje të përkrahjes qytetare, si në nivel vendi, ashtu edhe në Anamoravë, kjo si rezultat i punës së mirë dhe të përnjëmend të kryeministrit Haradinaj dhe njerëzve që kanë përgjegjësi në institucione e të cilët po bëjnë punë të mëdha.

Pavarësisht pengesave në rrugë e sipër, nga jashtë dhe nga brenda, jemi të vendosur të qeverisim vendin ashtu siç jemi marrë vesh me qytetarët në fushatë elektorale. Ky popull meriton ta ndjej veten mirë në vendin e tij, andaj na takon neve t’ia mundësojmë një jetë dhe një shtet të matshëm me shtetet e rajonit. Kjo do të ndodh, puna e mirë po përjetohet, dhe mbetemi të pa lëkundur të vizionin tonë për një shtet të respektuar nga brenda dhe nga jashtë ka thënë Rexhep Kadriu./rajonipress/