Kadri Veseli në PDK

Shefi i Grupit Parlamentar të PDK-së, Adem Grabovci, thotë se në mbledhjen e fundit të Kryesisë së PDK-së është konstatuar se ka një shkëputje të qendrës së partisë nga baza, e ndikuar edhe nga angazhimi në institucionet e vendit.

Grabovci ka thënë për “Tribuna Shqiptare” se kjo nuk është e drejtë të interpretohet si mungesë debati. Ai pretendon në PDK-ja është e njohur si parti e hapur për debate të brendshme. E në këtë aspekt, ka thënë se edhe konflikti verbal me kryeparlamentarin Jakup Krasniqi tregon frymën demokratike.

Grabovci është i bindur se kjo nuk e ka dëmtuar imazhin e PDK-së, megjithëse i vlerëson si të papranueshme disa prej fjalëve që u thanë aty. E ndërkohë, Grabovci vlerëson se angazhimi i Kadri Veselit do ta konsolidojë edhe më tej PDK-në.