Ka vdekë ajo vdekje

Nga Sabit Rrustemi – Rapsodit dhe poetit Agim Gashi, në shenjë të kujtimit të përhershëm.

Po thonë ka braktisur dhomën e miqve
ka dalë tej faqes virtuale
është shtrirë n’spital po thonë
… pa sharki n’pixhama po rri
me i dhimbtë t’zezë
që e therrë bri më bri
po thonë
e çka s’po thonë
pa le të thonë
të thënat si gjithmonë
vrimave t’veshëve përbirojnë
e qafën thejnë
nuk ju besoj
pa edhe ashtu në qoftë
se ka vdekë ore
ka vdekë ajo vdekje
që atë burrë mund ta nënshtrojë
çiljani derën
e shihni
si del e niset ngadal
për tek ai majemal
në thikë të qiellit
atë këngë
edhe i herë ta këndojë
telat e sharkisë zërin i a kërkojnë
( 6 mars 2012 )