Ka ndërruar jetë Taip Zeka, vëllai i dëshmorit Kadri Zeka

Gjilan – Taip Zeka u lind më 15.04.1944 në Poliçkë të Dardanës, dhe pas vendosjes në Gjilan ishte krahu i djathtë i Kadri Zekës, në gjithë veprimtarinë atdhetare për liri dhe bashkim kombëtar. Pas vrasjes së Kadriut, Taip Zeka më 1983 arrestohet dhe mbahet në burg deri më 1989, duke qenë i dënuar dhe keqtrajtuar rëndë, pas akuzave se ishte shpërndarësi kryesor i armëve për organizimin e shqiptarëve për në luftën për liri.

Sot në orët e hershme të mëngjesit, datë 07.02.2013, pas një sëmundje të rëndë vdiq Taip Pajazit Zeka.

Taip Zeka u lind më 15.04.1944 në Poliçkë të Dardanës, dhe pas vendosjes në Gjilan ishte krahu i djathtë i Kadri Zekës, në gjithë veprimtarinë atdhetare për liri dhe bashkim kombëtar. Pas vrasjes së Kadriut, Taip Zeka më 1983 arrestohet dhe mbahet në burg deri më 1989, duke qenë i dënuar dhe keqtrajtuar rëndë, pas akuzave se ishte shpërndarësi kryesor i armëve për organizimin e shqiptarëve për në luftën për liri.

Taip Zeka nuk u ndal kurrë së punuari për lirinë e gjithë shqiptarëve dhe për bashkim kombëtar. Ai ishte pjesë e UÇK-së, UÇPMB-së Ushtrisë Çlirimtare Kombëtare dhe pjesë e gjithë angazhimeve të tjera për liri e Bashkim të shqiptarëve. Taipi nuk u ndal kurrë.

Në burgjet serbe, nga torturat e papara, Taip Zeka kishte humbur njërën veshkë si pasojë dhe tjetrën e kishte me dëmtime të rënda.

Sot ai ndërroi jetë pikërisht si pasojë e mosfunksionimit të veshkave, duke na lënë përjetësisht të pikëlluar.

Akademia Komemorative organizohet në ora 14.00 në Teatrin e Qytetit, pastaj homazhet para teatrit dhe nisja për në varrezat e qytetit.

Varrimi i Taip Zekës bëhet më 14:30h, në varrezat e qytetit. Nisja nga shtëpia e tij. Kuvendi i Komunës së Gjilanit , Organizata e Veteranëve të luftës së UÇK-së
Shoqata e të Burgosurve politikë./rajonipress/