Ka ndërrua jetë Kriva Reka
RajoniPress
08:38, 23 Tetor, 2014
N’ Kamenicë , kur falet dreka – Gjëmë po bëjnë konopi e leka !…
Këndon temxhitin Mulla Keka : “Ka ndërrua jetë kjo Kriva Reka !”
N’ kroje e n’ gurra pak nga pak –
Buron uji nëpër Gollak !
Kalon male , lugje e fusha –
Gurgullon lumi Gjarpërusha !
Nga Artana e nga Mareci ,
Prapashtica e Dabisheci …
Burojnë ujërat nga këto treva –
Marrin rrjedhat kah Krileva !…
Marrin rrjedhat drejt Strezocit ,
Kosovicës dhe Hajnocit …
Rahovicës e Bugjenicës –
Marrin rrugë drejt Kamenicës !
Që nga Zllashi e Lisica ,
Dabisheci e Prapashtica ,
Hajkobilla e Zajçeci –
Është një lum që rrjedh për qejfi !…
Ai lum quhet Kallugjerica –
Bien kah Lerthat e Gllogovica !…
Uji i pastër , uji i shpirtit –
Kalon Hanin e Sherifit !…
Kah Leshtari e Kremenata –
Ka marrë lumi rrugë të gjata !…
Prej Pirevës e Obërshinës –
Bashkëngjitet lumi i Meshinës !…
Kështu Gjarpërusha prej Lisicës –
Gjarpëron drejt Kamenicës !
Kur të bien në Domaroc –
I bashkohet edhe një shoq !…
Vjen nga Sfirca e Desivojca ,
Gjyrisheci e nga Lisocka …
Atij i thonë lumi i Hogoshtit ,
Që i jep shpirt arës e kopshtit !…
Kështu Gjarpërusha jonë malore –
I bashkohet Moravës Jugore !
Që nga Ura e Domarocit –
Udhëtojnë bashkë drejt Bujanocit !…
Nga Gollaku e Karadaku –
Dy lumenj me ujë meraku !
Bahen bashkë nga dy Malësi –
Marrin rrugë drejt Detit t’ Zi !
Gjilan, më 06.10.2014. Demir KRASNIQI
