Ka filluar renovimi i shkollës së vjetër “Gjon Serreqi” në Mogillë

Kllokot – Para pak ditësh ka filluar renovimi i shkollës së vjetër “Gjon Serreqi” në Mogillë të Komunës së Kllokotit. Shkolla në fjalë është ndërtuar në vitin 1937 dhe si pasoj e vjetërsisë, institucionet komunale e kanë parë të rrugës që të investohet në këtë shkolle për të rritur cilësinë infrastrukturore.

Në këtë shkollë kanë vijuar mësimet nxënësit nga klasa e e parë deri në të pestën, kurse nga klasa e pestë deri në të nëntën, mësimet vijojnë në shkollën e re po në këtë fshat.
“Ky projekt është mbështetur nga UNMIK-u dhe vlera e projektit është 38.743 euro. Sipas planit dinamik parashihet që të përfundoj në fund të muajit qershor. Ka qenë e domosdoshme që të ndërhyhet në këtë shkollë, pasi që në gjendjen ekzistuese ka qenë shumë e vështirë të vijohet mësimi normal e i rregullt” u shpreh Hidajet Ahmeti, drejtor i Administratës dhe Shërbimeve Publike pranë Komunës së Kllokotit./rajonipress/