Ka filluar pyllëzimi i 20 ha tokë në Debelldeh të Vitisë

Viti – Në fshatin Debelldeh të Vitisë ka filluar dje projekti i pyllëzimit që parasheh pyllëzimin e 20ha tokë. Ky projekt financohet nga Agjensioni Pyjor i Kosovës ndërkaq për realizimin e tij në Komunën e Vitisë janë të angazhuar rreth 12 punëtorë.

Veton Ademi, Drejtor për Bujqësi, Pylltari dhe Zhvillim Rural, i shoqëruar nga disa zyrtarë të drejtorisë se tij kanë vizituar dje punëtorët të cilët janë të angazhuar në mbjellën e fidanëve të reja duke potencuar se pyllëzimi është shumë i rëndësishëm jo vetëm për mjedisin, faunën por edhe për vetë njeriun .

Me këtë rast Ademi falënderoj edhe Agjensionin Pyjor të Kosovës që ka mundësuar implementimin e këtij projekti në Debelldeh të Vitisë./rajonipress/