Juventusi i bashkohet garës për Marash Kumbullën
RajoniPress
22:13, 31 Maj, 2020
Juventusi i është bashkuar garës për transferimin e mbrojtësit të Hellas Veronës, Marash Kumbulla.
20-vjeçari ka zgjuar interesimin e shumë skuadrave evropiane, derisa klubi italian kërkon 30 milionë euro nga kartoni i tij, raporton La Repubblica.
Napoli, Lazio dhe Fiorentina, Manchester United, Tottenham Hotspuri, Everton, Chelsea, Paris Saint-Germain, Lyon, Rasenball Sportiv Leipzig dhe Eintracht Frankfurt janë të interesuara për mbrojtësin shqiptar.
Tani, mediumi italian bën të ditur se Zonja e Vjetër e mendon seriozisht transferimin e reprezentuesit të Shqipërisë.
Kumbulla ka luajtur standard në këtë edicion për Veronan, duke bërë 18 paraqitje dhe ka shënuar një gol.
Skuadra italiane është e gatshme të shesë atë, derisa nuk heq dorë nga shuma e 30 milionë eurove. /Telegrafi/
