Junker: Nuk mund t’ju jap datë për liberalizimin e vizave

Presidenti i Komisionit Evropian, Jean-Claude Juncker, pas takimit me presidentin Thaçi ka deklaruar se ende nuk ka ndonjë datë të saktë rreth çështjes se kur për kosovarët do të ndodhë liberalizimi i vizave. Juncker ka thënë se KE-ja është e lumtur për përpjekjet e autoriteteve kosovare drejt plotësimit të kritereve për liberalizimin e vizave duke mos përmendur periudha kohore për këtë çështje.

“Ne jemi të lumtur të shohim që përpjekjet po vazhdojnë dhe nuk varet kjo nga ne që t’i themi Kosovës kur dhe si të bëhet kjo. Kjo është një demokraci e të rriturve dhe ne shpresojmë që të kryhet mirë”, ka deklaruar Presidenti i Komisionit Evropian, Jean-Claude Juncker.

Megjithëkëtë, Presidenti i Komisionit Evropian, Junker, ua ka bërë me dije liderëve kosovarë rëndësinë që ka ratifikimi i Demarkacionit me Malin e Zi. Ai me këtë rast, iu ka dërguar porosi edhe partisë serbe duke thënë se nga kjo, përfitojnë të gjithë qytetarët kosovarë dhe serbë.

Junker ka thënë se nuk po e kënaq ideja që kosovarët të janë të vetmit në rajon që nuk mund të udhëtojnë lirshëm.

Ndërkaq, presidenti i Komisionit Evropian, Jean-Claude Juncker, bashkë me përfaqësuesen e lartë të BE-së, Federica Mogherini dhe komisionerin Johanes Hahn, po qëndrojnë sot në Prishtinë, ku janë takuar me krerët e lartë shtetërorë.

“Vizita juaj i jep kuptim të plotë mbështetjes suaj dhe përpjekjeve tona për bashkim Evropian”, ka thënë Presidenti Thaçi në konferencën me Juncker-in./express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).