Jonuzi partive politike: Mos na keqpërdorni?

Gjilan – Nazife Jonuzi drejtoreshë e Qendrës për Mbrojtjen e Grave dhe Fëmijëve “Liria” në Gjilan është e befasuar me komunikatat e disa partive politike të cilat gjatë vizitës së tyre e shfrytëzojnë vizitën edhe për nevoja të fushatës. Nuk qëndrojnë vlerësimet e këtyre partive se “Liria” nuk është ndihmuar nga institucionet komunale, përkundrazi Komuna e Gjilanit është marr shembull për të gjitha komunat tjera të Kosovës për bashkëpunim të ngushtë mes Komunës dhe Qendrës thotë ajo.

Kohëve të fundit jo pak parti politike e organizata tjera e kanë vizituar Qendër për Mbrojtjen e Grave dhe Fëmijëve “Liria” në Gjilan.

Megjithatë drejtuesit e kësaj qendre thonë se janë të befasuar me vlerësimet e tyre që dalin në opinion se gjoja kjo qendër s’është ndihmuar fare nga institucionet komunale.

Nazife Jonuzi drejtoreshë e kësaj qendre ka sqaruar për rajonipress se këto parti politike po i keqpërdorin vizitat dhe takimet tona dhe po i shfrytëzojnë për nevoja të fushatave të tyre. “Qendra gjithmonë është e hapur për bashkëpunim me çdo mekanizëm apo parti politike, por është e pandershme që pastaj në opinion të barten vlerësime të pasakta” sqaron Jonuzi.

Jonuzi thotë se asnjëherë nuk ka përmendur gjatë këtyre takimeve se qendrën “Liria” nuk e ka ndihmuar Komuna e Gjilanit. “Përkundrazi ne kemi bashkëpunim të ngushtë me të gjitha institucionet e Kosovës , e në veçanti me Komunën e Gjilanit. Qendra ka qenë partnere e vazhdueshme e Komunës së Gjilanit në ofrimin e shërbimeve për viktimat e dhunës në familje. Ky bashkëpunim i vazhdueshëm ka rezultuar në draftimin e strategjisë për mbrojtje nga dhuna në Familje ku kontribut të rëndësishëm kanë dhenë akteret kyç që punojnë me ketë natyrë të punës , duke i përfshi të gjithë mekanizmin institucional , drejtoratet e drejtorive të Komunës së Gjilanit si dhe partnerët tjerë të nivelit qendror” tha Jonuzi.

Jonuzi tha se Komuna e Gjilanit është marr shembull për të gjitha komunat tjera të Kosovës për bashkëpunim të ngushtë mes Komunës dhe Qendrës.

Ajo thotë se kryetari i Komunës se Gjilanit , Qemail Mustafa ka qenë i pakursyeshëm në përkrahjen e ofrimit të shërbimeve për këtë kategori që është shumë e ndjeshme në shoqëri me përkrahje financiare.

Sipas saj ketë më së miri e dëshmojnë faqet e organizatave ndërkombëtare me mision në Kosovë UNDP, UNËOMEM , ambasada austriake , ADA dhe shumë donator tjerë që janë partner të Komunës dhe Qendrës “Liria” tha Jonuzi. /rajonipress/