Jo vetëm Liverpooli, edhe dy gjigantët italianë futen në garë për Rashicën

Milot Rashica duket se do të largohet përfundimisht nga Werder Bremen në verë, duke parë krizën që po kalon klubi gjerman dhe ka nevojë për të holla.

Sulmuesi kosovar ka një klauzolë dalje prej 38 milionë euro dhe disa skuadra kanë shprehur interesim për të.

Skuadra favorite për të nënshkruar me Rashicën mbetet Liverpooli, pasi vushtrriasi pëlqehet jashtëzakonisht shumë nga Jurgen Klopp.

Borussia Dortmund, Schalke 04, Southampton dhe Aston Villa gjithashtu kanë shprehur interesim për Rashicën.

Por sipas asaj që ka njoftuar e përditshmja italiane Corriere dello Sport, dy skuadrat e mëdha Napoli dhe Milan i janë bashkuar garës për yllin e Kosovës.

Napoli po planifikon t’i ndajë rrugët me spanjollin Jose Maria Callejon dhe e shohin Rashicën si zëvendësuesin adekuat të tij për repartin ofensivë.

Ndërkohë në garë për ish-anëtarin e Vitteses është futur edhe Milani, pasi do të mbetën pa turkun Hakan Calhanoglu.

Në rast transferimit të Rashicës në Napoli, atëherë vushtrriasi do t’i bashkohej kapitenit të Kosovës, Amir Rrahmanit i cili nga 1 korriku i bashkohet klubit bardhekaltër.

Gjithsesi i sigurt është vetëm largimi i Milotit nga Werderi, por jo edhe destinacioni i radhës pasi shumë skuadra janë në garë për t’i siguruar shërbimet e tij. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).