Jeton Biqkaj: Do të punojë për një ardhme më të mirë për qytetarët e Kamenicës

Kamenicë – Jeton Biqkaj është zgjedhur kryetar i degës së LDK-së në Kamenicë. Ai ka falënderuar të gjithë anëtarët e LDK- së për mbështetjen. Këtë pozitë e konsideroj si përgjegjësi ndaj jush, andaj së bashku me ju do të punojmë për një të ardhme më të mirë për qytetarët e Kamenicës ka shkruar Biqkaj.

Postimi i plotë i Jeton Biqkaj
Të nderuar miq
Sot në Kuvendin e nëntë zgjedhor të Degës së LDK-së jam zgjedhur me përkrahje unanime kryetar i Degës së LDK-së në Kamenicë.
Falënderoj të gjithë anëtarët e LDK- së për mbështetjen. Këtë pozitë e konsideroj si përgjegjësi ndaj jush, andaj së bashku me ju do të punojmë për një të ardhme më të mirë për qytetarët e Kamenicës.
Kryetarin Shaip Surdulli e falënderoj për punën e palodhshme për LDK-në dhe për Komunën tonë.
Na priftë e mbara!

Ndërkohë edhe Shaip Surdulli e ka uruar Jeton Biqkaj

Të dashur anëtarë dhe simpatizues të LDK-së. Të dashur qytetarë të komunës së Kamenicës dhe të Kosovës.
Dje,me 06.07.2019 u mbajt kuvendi i 9-të zgjedhor i Degës së LDK-së në Kamenicë. Në këtë kuvend në mënyrë unanime u zgjodh Kryetari i ri i Degës së LDK-së z.Jeton Biçkaj. U zgjodh edhe Kryesia e re e Degës dhe delegatët për Kuvendin Qendror të LDK-së.
Shprehi falënderim të madh për punën,aktivitetin dhe bashkëpunimin 20 vjeçar me të gjithë anëtarët e LDK-së,qytetarët e komunës së Kamenicës dhe nivelin qendror e rajonal të LDK-së.
Unë do të vazhdoj aktivitetin e LDK-së deri në vdekje në nivel komunal dhe në nivel qendror.
Kryetarit të ri z.Jeton Biçkaj i dëshiroj shëndet dhe sukses në udhëheqjen e Degës së LDK-së bashkë me kryesinë dhe anëtarësinë e gjerë të LDK-së dhe gjithë qytetarët e komunës së Kamenicës.
Suksese të reja LDK!