Jetmir Topalli shënon ndaj Fenerbahces, por Istanbulspori eliminohet nga Kupa e Turqisë

Istanbulspor është eliminuar nga Kupa e Turqisë, pasi sonte pësoi humbje nga Fenerbahçe në 1/16 e finales.

Ndeshja e zhvilluar në stadiumin “Sukru Saracoglu” përfundoi me rezultatin 3:1, shkruan Gazeta Express.

Golin e vetëm për mysafirët shënoi sulmuesi nga Kosova, Jetmir Topalli, në fundin e ndeshjes. Për të ishte ky goli i tij i gjashtë.

24-vjeçari ishte titullar dhe e luajti tërë ndeshjen. Përveç tij, te Isanbulspori u paraqiten edhe tre shqiptarët tjerë; Valon Ethemi, Eduard Rroca, Sidrit Guri.

Joshua King (31’) dhe Michy Batshuayi (34’, 54’) shënuan golat e fitores për Fenerbahcen, që siguroi kalimin për në fazën tjetër. /Gazeta Express/

Shpërndaje.
© RAJONIPRESS