Jetmir Topalli nderon ftesën e Alain Giresses – gol dhe asistim për Istanbulsporin
Jetmir Topalli kishte marr ftesë para disa ditësh nga Alain Giresse për ndeshjet e Kosovës që i zhvillon në muajin qershor.
Kjo ftesë duket se e ka trimëruar sulmuesin anësor që po shkëlqen në përballje ndaj Umraniyespor.
Topalli hapi takimi kur shënoi në minutën e 45-të, pas asistimit të Eduard Rrocës. Sulmuesi ynë mori një top jashtë zonës dhe me disa driblime të bukura shmangi mbrojtësit mysafir për të shënuar për 1-0.
Në minutën e 62-të, ishte radha që Topalli t’ia kthente borxhin Rrocës, duke asistuar në golin e këtij të dytit.
Nëse Istanbulspor merr fitore në këtë takim, atëherë do të sigurojë qëndrimin në elitën e futbollit turk.
Topalli këtë sezon ka pesë gola dhe tre asistime. /Telegrafi/