Jeremiq “kërcënon” shqiptarin në Twitter!

Kryetari i Asamblesë të Përgjithshme të OKB-së, Vuk Jeremiq, ka lëshuar disa mesazhe në profilin e tij në Twitter për SHBA-të, për shqiptarët por dhe për disa bashkëqytetarë të tij, njoftojnë mediat serbe, transmeton “Zhurnal”.

Gjithçka ka nisur kur ish-Ministri i Jashtëm serb, Jeremiq është krenuar se ka festuar fitoren e tenistit serb Novak Gjokoviq ndaj Roger Federer, duke përmbysur tavolina dhe karrige në një kafene në Nju Jork.

Mëngjesin e nesërm, ai ka festuar një tjetër “fitore” kundër Amerikës, për votimin e embargos për Kubën, për të cilën ka pasur vetëm tri vota “kundër” në Asamblenë e Përgjithshme.

Ky ka qenë shkaku që Jeremiq ka nisur në Twitter një dialog me miqtë e tij, i cili më pas ka përfunduar me një mesazh “kërcënues” për njërin nga debatuesit shqiptar.
“Z-ri Jeremiq, 6 milionë shqiptarë në mbarë Ballkanin e kuptojnë shkëlqyeshëm gjuhën tuaj neo-millosheviqiane”, i shkruan Ilir Beqiraj.

“Me rëndësi është se po kuptohemi, edhe atë në gjuhën serbe, mos harro. Do të të duhet ajo (serbishtja)…”, është përgjigjur Jeremiq.