Jennifer Lopez mund të hyj në politikë

Kohët e fundit thuhet se ajo mund t’i hyjë politikës, por duket qartë që Jennifer Lopez, ka shumë për të mësuar, pasi u paraqit në darkën e mbledhjes së fondeve për demokratët, me një fustan të kuq seksi, e kuqja në fakt është ngjyra e republikanëve.

Këngëtarja e “Get on the Floor”, e shoqëruar nga i dashuri, Casper Smart iu bashkua një grupi vipash, yje të muzikës dhe aktorë të Hollywood-it në Paris. Kohët e fundit J-Lo u përfshi në listën e grave më të fuqishme të Forbes, çka shtoi spekulimet se mund t’i hynte politikës- shkruan, “Daily Mail”.

Në një intervistë për revistën britanike “Look” ajo tha: “A do të më shihni në politikë? Epo gratë ku nuk po hyjnë në këto kohë.” Në festën e organizuar nga Anna Wintour në Paris, të ftuar ishin Scarlett Johansson, Kanye West and Stella McCartney, Mick Jagger dhe Lee Radziwill.

Wintour ka organizuar edhe në të shkuarën festa për mbledhjen e fondeve për Obamën. Gjatë mbrëmjes aktorja Scarlett Johansson mbajti një fjalim në mbështetje të Presidentit.