Jennifer Lopez e prekur për shqiptaren e larguar nga puna

Jennifer Lopez duket se ka mbetur e prekur nga ngjarja që ndodhi në një hotel kur një fanse e saj, shqiptare, i kërkoi autograf dhe pastaj u pushua nga puna.

Punëtorja Bete Dodaj, po punonte në një hotel në Dusseldorf ku po qëndronte Jennifer Lopez dhe pasi që i pastroi dhomën asaj, i kërkoi edhe një autograf.

Sidoqoftë, sipas Dodaj ajo u largua nga dy anëtarë të ekipit të Jennifer-it kur ajo trokiti në derën e saj.

Ajo tha: “Unë pastrova dyshemenë e saj. Dhe jam një fanse shumë e madhe e saj prandaj mora guximin dhe i rrash zilës për të marrë një autograf. Por unë u refuzova nga dy asistentë të saj në derë”.

Dhe pastaj gjërat shkuan keq për 40 vjeçaren, pasi që ajo u largua nga menaxhmenti i hotelit, pasi që sipas tyre Jennifer është ankuar.“Një ditë më vonë kompania që më kishte marrë në punë më telefonoi dhe tha se zonja Lopez ishte ankuar. Mua më larguan nga puna përmes telefonit. Për shkak të një autografi”, thotë ajo.

Sidoqoftë, 43 vjeçja, J.Lo ka hedhur poshtë spekulimet sipas të cilave ajo ka qenë e përfshirë në këtë situatë dhe tha se e gjithë kjo storie e ka prekur thellë.
Ajo shkroi në Twitter: “Ma merrte mendja se ju dini më shumë se kaq. Asnjëherë askush nuk pushohet nga puna shkaku i një autografi. Hera e parë që e dëgjova një gjë të tillë. Jam e prekur”.