Jeni të mbipeshë? Hani molla!

Molla veç që është e shijshme dhe ngop, mund të ndihmojë në uljen e proceseve inflamatore te personat e mbipeshë.

Studimet amerikane kanë nxjerrë më pah se disa përbërës të mollës pengojnë zhvillimin e proceseve inflamatore që shkaktohen gjatë sëmundjeve kronike, të cilat vijnë si pasojë e pranisë së sasisë së madhe të indit dhjamor.

Rezultatet e studimit tregojnë se konsumimi i përbërësve të tretshëm të mollës pengon zhvillimin e thuajse të gjysmës së proceseve inflamatore.

Shkencëtarët i këshillojnë edhe njerëzit me peshë normale që të konsumojnë sa më shumë molla me qëllim që sistemi i tyre imun të jetë shumë më i fortë./mjeku/