“Jemi në rrugë të mbarë të sukseseve”

Përfaqësuesja e Maqedonisë në futboll, do të zhvillojë dy sfidat e fundit në kuadër të eliminatoreve për Botërorin “Katar 2022”, kur takohet me Armeninë në transfertë dhe Islandën në Shkup.

Enis Bardhi, si një ndër futbollistët kryesor në ekip, beson se të gjithë duhet të japin maksuminin dhe se vetëm me lojë ekipore mund të arrihet deri te rezultati pozitiv.

“Tani jemi me trajnerin e ri, me të cilin njihemi gjatë kohë, por këtu janë edhe futbollistët e rinj, andaj duhet të kemi durim. Çdo ndeshje na sjell diçka të re dhe ska asgjë negative nëse fiton ose humbas. Maqedonia ka treguar shumë dhe se luan për diçka të mirë dhe se nuk luan që të jemi në pozitën e katërt ose të pestë. Kemi bërë gjëra të mira dhe duhet të vazhdojmë ashtu”.

Përballja në mes Armenisë dhe Maqedonisë do të zhvillohet të enjtën, në stadiumin në Erevan, në orën 18.00.