Jem tre vëllezër prej një nëne

Me rastin e Festës së shenjtë të Krishtlindjeve.Teksti, muzika dhe interpretimi: Demir Krasniqi

Muhamed, Kristë e Nikollë –
Vëllezër jemi që të tre.
T’ lidhur jem si mishi n’ thonj –
Për një komb, për një atdhe.
Kemi lindur në këto male,
Në një djep jemi përkundë.

Kem një gjuhë, një abetare –
Nuk ka forcë që mund t’ na lëkund !
Kem kulturën, historinë,
Mbi Ballkan – popull i parë.
Skënderbeu kryetrim,
Është për ne legjendë e gjallë.
Kemi shkencën dhe arsimin,
Mic Sokola dhe shumë Shota,
Nolin, Mjedën dhe Naimin,
Nënë Terezën që e njeh bota ….

Kem Ungjill e kem Kur’an ,
Jem tre vëllezër, kem tri fe.
Krijojmë vepra për vatan ,
Se edhe Zoti është me ne .
Si shkollarë, si besimtarë –
Të gjithë jemi n’ Shërbim t’ Zotit!
Doktorë , priftërinj, hoxhallarë –
Jemi gjaku i Kastriotit !

Demir Krasniqi : “MALLËNGJIME E USHTIMA” – Gjilan, 1993, faqe 165.