Jasir Selmani sjell tri pik të mëdha Ferizajit

Gjilan – Pas tri udhëtimeve futbollistët e Gjilanit në Javën e XIV ishin nikoqirë të skuadrës së Ferizajit e cila e mposhti në fushë të Gjilanit me rezultat 1-0 me golin e futbollistët më të mirë në ndeshjen e sotme Jasir Selmanit.

Në taborin e “bardh e kuqëve” të Gjilanit tani e një kohë është duke u vërejtur një krizë në kryesin e klubit çka me të madhe është duke ndikuar në lojën e futbollistëve në fushë.

Shumë pak dashamir të futbollit e kanë pritur sot humbjen e Gjilanit por me atë se çka u zhvillua gjatë 90-të minutave futbollistët mysafirë me plot meritë kanë arkëtuar tri pikë tejet të vlefshme për ekzistencë, ndërsa mysafirët sikur tu tregofshin ma të vëmendshëm kanë mundur të kthehen në vendin e tyre së paku me tre katër gola të shënuar.

Është për tu befasuar loja e Gjilanit kur gjatë 90-të minuta nuk e krijuan asnjë rast shënimi ndërsa u vërejt gjatë lojës së futbollistët e Gjilanit mezi pritën të përfundojnë 90 minuta të kësaj ndeshje e cila duhet harruar sa më shpejt.

Për këtë ndeshje trajneri i Gjilanit Arbnor Morina deklaroi.” Po shihen pasojat e stërvitjes, kjo çka po ndodh brenda klubit është për të ardhur keq futbollistët po japin maksimumin por kemi probleme mbrenda kryesisë dhe sa është e mundur më shpejt duhet dalim nga kjo situatë”.

Që nga fillimi i ndeshjes dukshëm u pa se futbollistët e Ferizajit sot kërkonin tri pikë dhe këtë e arritën me plot meritë në minutën e 7-të, Labinot Shabani gjuan furishëm por Maloku i Gjilanit dëbon topin mbi horizontalen e tij.

Në minutën e 30-të futbollisti më i mirë i takimit të sotëm Jasir Selamni pas një aksioni të rrjedhshëm gjuan nga 14-të metra topi gjen rrjetën e portierit Maloku duke ngrit epërsinë në 0-1.

Të vetmen gjuajtje futbollistët e Gjilanit gjatë 90-të minutave e realizojnë në minutën 42 kur Azem Ahmeti gjuan nga 20 metra por portieri mysafir Leotrim Rexhepi me mbrojtje bravuroze nuk lejon që ti preket rrjeta e tij.

Mysafirët në pjesën e dytë kanë mundur të shënojnë së paku tre gola të sigurt por në momentet e fundit nuk ishin të koncentruar.

Në minutën e 70 -të qendërsulmuesi Muhabi Bushi dështon i vetmuar nga 7-8 metra.

Trajneri i Ferizajit Arsim Abazi ishte tejet i lumtur për fitoren e skuadrës së tij.
“Kemi humbur shumë raste kemi mundur të shënojmë më tepër gola, ne e arritëm qëllimin tonë udhëtuam për një pikë ndërsa fituam tri, këto pikë na motivojnë edhe më shumë në ndeshjet e ardhshme”.

Futbollisti dhe golashënuesi i vetëm në ndeshjen e sotme Jasir Selamani deklaroi.
“Jam shumë i lumtur që shënova dalëngadalë po këndellemi shpresoj se së bashku me shokët e mi në javët e ardhshme do t’ja arrijmë qëllimin tonë”.

Stadiumi i qytetit në Gjilan
Shikues- rreth 600
Arbitra- Kosumi, Ejupi, Kabashi, Raci

Kartona të verdhë- Bekteshi, Az, Ahmeti, Gashi, Eminhaziri (Gj), Rexhepi, Shabani, Thaqi, Selmani,
L, Shabani (F)

Gjilani – Maloku, Kastrati, Bekteshi, Thaqi, Blakqori, A.Thaqi, Shabani (Rusi), A.Ahmeti, Haxhimusa(Gashi), Aliu(B.Ahmeti), Eminhaziri.

Ferizaj – Rexhepi, Istrefi, B.Shabani, Bardhi, Tershana, Bushi(Bekteshi), Thaqi, Selmani, Shabani, Kuka (Halimi), Sadriu(Salihu).