Jashari: Kosova me politikë “ad-hoc”

Përfaqësuesi i familjes Jashari, Murat Jashari, shprehet i pa kënaqur me procesin politik në vend.

Ai thotë se politika kosovare nuk ka vizion për të drejtuar shtetin, ndërsa politikën e bëjnë “ad-hoc”.Në një intervistë për “Zëri”, Jashari ka thënë se Kosova dhe Shqipëria nuk i kanë përmbushur pritjet e dëshmorëve. Madje Kosova, siç thotë ai, i ka hyrë në hak UÇK-së, që nuk e ka futur në Kushtetutë.

Pinjolli i familjes Jashari e konsideron të padrejtë arrestimin e ish-guerilëve të UÇK-së. Ai tha se është e turpshme që ndërkombëtarët të krahasojnë luftëtarin me agresorin. Me arrestimin e Fatmir Limajt, ai tha se bashkësia ndërkombëtare po e humb legjitimitetin.

Ndërkohë nipi i Adem Jasharit për “Tribuna Shqiptare” thotë se populli shqiptar e vlerëson sakrificën e Jasharëve, e një shenjë është fakti që deri më sot rreth dhjetë milionë vizitorë e kanë vizituar Prekazin.

Ai thotë se nëntorit kanë vlerë simbolike. Përveç datës madhështore të shpalljes së pavarësisë së Shqipërisë, më 28 nëntor është ditëlindja e komandantit legjendar Adem Jashari dhe dalja në publik e UÇK-së.