Jashari: As projektet e gatshme ky pushtet nuk po mundet t`i implementoj

Gjilan – Hidajete Jashari Latifi nga shoqëria civile thotë se pushteti komunal edhe pse shumicën e projekteve i ka gjetur të gatshme nuk po është në gjendje që ato t`i realizojë dhe implementojë. Kjo qeverisje vërtet po duket shumë qesharake dhe cinike sepse po e kalon kohën kot shprehet ajo.

Hidajete Jashari Latifi nga shoqëria civile thotë se Projektit “Rregullimi i Infrastrukturës te shkollat e mesme në Gjilan” iu është dashur dy vite vonesë në kohë vetëm e vetëm që pushtetarët të duket se po punojnë. “Ky projekt është i hartuar që në vitin 2013, dhe deri më tani nuk keni ndryshuar asgjë as edhe kontraktorin (punëkryesin), qenka i njëjti. Juve iu është dorëzuar projekti në dorë Rregullimi i Infrastrukturës te shkollat e mesme në Gjilan në fazën përfundimtare, faza kualifikimit të punëkryesit. Këto dy vite i keni humbur kot së koti me këtë projekt” ka shkruar Jashari.

Jashari thotë se mungesa e ekspertëve në Partneritetin Publiko Privat dhe përpiluesve të projekteve, po e bënë këtë qeverisje të duket cinike dhe qesharake. “Keni edhe shumë projekte tjera të gatshme si ky që e keni “nisur” tani që iu duhet vetëm të implementohen, por siç duket, stafi juaj nuk është në gjendje as për fillim të implementimit e lërë më të krijoj projekt. Këto dy vite keni arritur “sukses të madh”, vetëm dy projekte, ky te shkollat e mesme, parku i fëmijëve Dardania dhe çerdhja në Lagjen Dardania), shumë shumë qesharak dhe cinik sa që nuk jeni të gatshëm t`i realizoni as ato projekte që i keni të gatshme në tavolinë” tha me ironi Jashari./rajonipress/