Jasharaj paralajmëron Qeverinë: Ose bisedojmë, ose shkojmë në grevë të përgjithshme

Gjatë protestës së sotme, kryetari i SBASHK-ut Rrahman Jasharaj paralajmëroi Qeverinë se nëse nuk miratohet Ligji për Paga, vendi do të shkojë në greva të përgjithshme.

“Qeveri, ne po i lutemi zotit të këndelleni e t’i realizoni kërkesat tona, në të kundërtën do të ndërmarrim veprime më të rënda që ne nuk i duam, por ju si duket po i doni.. Heshtja e Qeverisë, ikja nga dialogu, tregon që ne kemi të drejtë, tregon se ne e duam ligjin e pagave”, tha ai.

Ai më tej ka thënë se nuk po flasin në emër të BSPK-së, por në emër të të gjithë punëtorëve dhe se është turp që Qeveria nuk po i përfill kërkesat.

“Qeveria po e sheh se sot s’po flet Atdhe Hykolli, as Rrahman Jashari, as Ali Gashi, por punëtoria e Kosovës. Qeveri, këta janë njerëzit e tu dhe i kanë sytë drejt teje dhe është turp të qëndroni nën hije, në Amerikë e gjetkë e të mos vini këtu e t’ua thoni të vërtetën këtyre njerëzve që po rrinë në diell, dilni e flisni çka keni për të thënë”, shtoi ai. /Zëri