Januzajt ia mësyn edhe Ajaxi

Manchester United është i gatshëm t’i dëgjojë ofertat për Adnan Januzajn. Sipas tabloidit britanik “Daily Star”, klubi i fundit që ka shprehur interesim për mesfushorin kosovar është Ajaxi.

Gjithnjë sipas këtij tabloidi, klubi nga “Old Traffordi” mund ta japë dritën e gjelbër të transferimit të ish-mesfushorit të Anderlechtit në drejtim të gjigantit holandez në formë huazimi nga muaji janar deri në fund të sezonit.

Trajneri i 20 herë kampionëve të Anglisë në shumicën e ndeshjeve nuk po gjen vend në formacionin e parë për 19 vjeçarin dhe huazimi i tij do të ishte zgjidhja e duhur. Januzaj shkëlqeu në sezonin debutues, por tash po e ngroh bankinën.