Januzajn e do edhe Juventusi

Juventusi i është shtuar garës për talentin e Manchester Unitedit, Adnan Januzaj. Futbollisti kosovar nuk po gjen hapësira në ekipin e Louis van Gaalit, prandaj mund të largohet gjatë janarit.

Ditë më parë thuhej se për 19-vjeçarin, interesim ka shprehur Interi. Mirëpo, të shtunën, mediat italiane shkruanin se “Nerazzurri” e kanë një konkurrent të fortë, pasi për përfaqësuesin belg, interesim ka shprehur edhe Juventusi.

Madje, trajneri Massimiliano Allegri mendon se Januzaj do të luante për mrekulli përkrah sulmuesve Tevez e Llorente. Gjithashtu, për istogasin interesim ka shprehur edhe Real Sociedadi. Januzaj pritet të huazohet në janar.