Januzaj të skuadra e madhe italiane
RajoniPress
22:36, 14 Qershor, 2017
Roma ka hyrë në garë për futbollistin e Manchester Unitedit, Adnan Januzaj.
Skuadra italiane, Roma e dëshiron futbollistin e Manchester Unitedit, Adnan Januzaj, i cili pritet të largohet nga Old Trafford gjatë kësaj vere, shkruan talkSPORT.
Trajneri Jose Mourinho ia ka bërë të qartë se nuk llogarit në shërbimet e tij sezonin e ardhshëm dhe kjo ka alarmuar disa skuadra të mëdha.
Në mesin e tyre është edhe Roma, sepse lojtari pëlqehet shumë nga Drejtori Sportiv, Monchi.
Përveç Romës, për lojtarin interesim kanë shprehur edhe dy skuadra të tjera, Celtic në Skoci dhe Real Sociedad në Spanjë.
Januzaj sezonin e kaluar ishte i huazuar në Sunderland, skuadër të cilin nuk arriti ta ndihmonte të qëndronte në Premieligë.
Ai kontratë me Unitedin ka deri në vitin 2018, ndërsa është i lirë të largohet për 10 milionë euro. /Express/
