Januzaj: Kurrë te Kosova!

Adnan Januzaj ka theksuar se nuk do ta lë Përfaqësuesen e Belgjikës as pas pranimit të Kosovës në FIFA dhe UEFA.

Shpresat se Adnan Januzaj do t’i thotë: “Po”, të paktën Kosovës, tashmë mund të llogariten si të kota.

Futbollisti nga Istogu, duke folur për mediat belge, ka theksuar se do të vazhdojë të jetë pjesë e Belgjikës edhe pasi Kosova të pranohet me të drejta të plota në FIFA e UEFA.

“Unë jam lindur këtu dhe kam shkuar në shkollë këtu. Këtu është e ardhmja ime. Unë do të vazhdojë të qëndrojë me ‘Të Kuqtë’ edhe nëse Kosova njihet nga FIFA”, ka thënë Januzaj.

Ky i fundit kohë më parë refuzoi edhe mundësinë për të luajtur me Kombëtaren e Shqipërisë.