Januzaj: Ja kush më bindi të transferohem te Sunderlandi

Adnan Januzaj ka thënë se prezenca e David Moyes ka luajtur rol të madh në vendimin e tij për t’iu bashkuar Sunderlandit në formë huazimi nga Manchester Unitedi
Mesfushori kosovar, Adnan Januzaj, ka falënderuar trajnerin David Moyes që ka vendosur t’ia japë mundësin te një klub tjetër.

Kujtojmë se sa ishte Moyes te Unitedi, Januzaj luante në vazhdimësi derisa shënonte edhe gola.

“Moyes ka qenë çelësi kryesor që unë të vijë këtu. E falënderoj për këtë mundësi dhe dua t’i tregojë të gjithëve se çfarë mund të bëjë”, tha Januzaj.

“Puna ime është të shënojë gola dhe të bëjë asistime. Tifozët vijnë në stadium që të shohin lojtarët duke realizuar dëshirat e tyre, dua të jem njëri nga ata lojtarë që i bënë të lumtur”, shtoi Januzaj.

Januzaj debutoi me Sunderlandin të shtunën në humbjen prej 2:1 nga Manchester City.

“Ishim të pafat. Ne luajtëm mirë dhe punuam shumë për njëri tjetrin. Ishte një ndjenjë e mirë që të luaja përsëri, kundër një klubi kaq të madh. Edhe përkundër se nuk ishte e lehtë, ne bëmë paraqitje të mirë”, shtoi kosovari. /Express/