Januzaj ia kërkon këtë gjë Unitedit
Adnan Januzaj dëshiron të largohet nga Manchester United, me një transferim të përhershëm.
Kosovari të enjten ka pasur një takim me Jose Mourinhon, ku i është bërë i ditur se nuk bën pjesë në planet e tij për edicionin e ri, duke i kërkuar që të kaloi në formë huazimi te ndonjë skuadër.
Por, duke parë se si kaloi huazimi edicionin e kaluar te Borussia Dortmund, Adnan Januzaj i ka kërkuar Manchester Unitedi që ta lejojnë të largohet nga ‘Old Trafford’, si transferim i përhershëm te ndonjë skuadër tjetër, shkruan DailyMail.
Januzaj nuk është ftuar nga Jose Mourinho në miqësoren që sot Unitedi e zhvillon në Suedi me Galatasarayn, duke lënë të kuptohet se aventura e tij te ‘Djajtë e Kuq’ po shkon drejt fundit.
Sunderland, Everton, Milan e Ajax, janë skuadrat që kanë shprehur interesim për të./Indeksonline/