Januzaj i vendosur për rolin e ‘dhjetëshes’

Mesfushori kosovar, Adnan Januaj, ndihet më i fortë se kurrë në ditët e para të fazës përgatitore që Manchester Unitedi po e zhvillon në SHBA.Januzaj në pjesën e dytë të ndeshjes së parë të turneut në SHBA para pak ditësh, luajti në pozitën e dhjetëshes – pas sulmuesve dhe kjo pozitë, është ajo që po kërkon kosovari tash e sa kohë.

Manchester United fitoi ndeshjen e parë kundër Club America me rezultatin 1-0. Në këtë turne marrin pjesë edhe PSG-ja, Los Angeles Galaxy, Chelsea, Fiorentina, Barcelona, New York Red Bulls, Benfica e San Jose Earthquakes.

“Më pëlqen kjo pozitë”, ka thënë Januzaj të martën në një intervistë dhënë uebfaqes zyrtare të klubit anglez, Manchester United. “Si lojtar i ri, gjithmonë kam luajtur në pozitën e dhjetëshes. Vetëm dy apo tre vitet e fundit unë kam luajtur në krah dhe si sulmues”.

“Por, pozicioni që unë pëlqej është prapa sulmuesve. Megjithatë unë do të respektoj dhe do të jem i lumtur kudo që trajneri dëshiron të më vendos”, ka theksuar 20-vjeçari, transmeton Koha Ditore.

Mesfushori është deklaruar i gatshëm që të luftojë për një vend në ekipin e parë të United.

http://koha.net/?id=6&l=67398