Januzaj e Kasami, ‘magnet’ të ndërhyrjeve të ashpra

Para se të kritikohet Adnan Januzaj për simulime, paraprakisht duhet të shikohen mirë disa statistika. Në fakt, ylli kosovar i Manchester Unitedit është ndëshkuar me tre kartonë të verdhë për shkak simulimeve, pas 20 xhirove të zhvilluara në Premierligë, për çka po kritikohet në Angli. Mirëpo, Januzaj është në mesin e lojtarëve që kanë pësuar më së shumti ndërhyrje të palejueshme nga kundërshtarët.

18 vjeçari është ndal 41 herë në mënyrë të palejuar deri më tani, duke u radhitur si lojtari i katërt më i fauluar në Premierligë. Shumë i fauluar është edhe Pajtim Kasami i Fulhamit.

Në fakt, mesfushori i Chelseat, Eden Hazard kryeson në këtë kategori me 56 faulla ndaj tij, kurse i dyti është Barkley me 54, Lallana me 44 dhe Januzaj me 41. Pas tij vjen Delph me 40, kurse Kasami është i gjashti me 36. Të fundit janë Pienaar, Snodgrass dhe Ëalters me nga 34 ndërhyrje ndaj tyre.

Talenti kosovar së fundi bëri pjesë në 11-shen më të mirët të Kupës Carling, në të cilën Manchester United pësoi humbje 2:1 në udhëtim nga Sunderlandi. Januzaj pati paraqitje mbresëlënëse, duke u dalluar me depërtimet e tij nga e djathta.

Madje, ai kishte shënuar edhe një gol në këtë takim, por i cili u anulua pasi bashkëlojtari i tij, Ryan Giggs ndodhej në pozitë jashtë loje.