Januzaj: E gjithë bota e di se nuk më pëlqen ky trajner

Adnan Januzaj ka pranuar se ka kujtime të këqija nga koha me ish menaxherin e Manchester United, Louis van Gaal.

Mesfushori ka thënë se dëshiron që golin e parë t’ia dedikojë holandezit i cili nuk shfaqi besim tek aftësitë e tij duke bërë që në fund Januzaj të largohet nga Old Trafford.

“Nuk dua të flas për Van Gaal sepse e gjithë bota e di se kisha vështirësi me të. Nuk kishim raportin më të mirë, të gjithë e dinë. Nuk ishte e lehtë”, deklaroi Januzaj për “AS”, përcjell “lajmi.net”.

“Kujt do t’ia dedikoj golin e parë? Van Gaalit, dua të shënoj dhe t’ia dedikoj atij”, theksoi ai.